Teater "Ina Emilie Kempin-Spyri. Tuttas Emilie"
17 d'avrel 2021 allas 20:00 uras
Singulara ed individuala. Quei ei la veta dad Emilie Kempin-Spyri, l’emprema giurista dalla Svizra. Ella ha stuiu emigrar els Stadis Uni dall’America la fin dil 19avel tschentaner, perquei ch’ella astgava ni praticar ni instruir en sia patria.
Il toc “Ina Emilie Kempin-Spyri. Tuttas Emilie” lubescha da scuvierer la historia dalla damonda dallas schlatteinas, sco era la historia dalla giurisprudenza e quella dalla via per obtenir il dretg da votar dallas dunnas en Svizra. E quei en dialog denter duas perscrutadras contemporanas da dretg, e las duas olmas dad Emilie: dad ina vart quella dalla siemiusa, piuniera ella domena dalla giurisprudenza svizra ed europea, e dall’autra vart quella dalla tradida dalla veta.
Duront ina bun’ura pren il toc performativ il publicum sin in viadi corporal, temporal ed emoziunal che Emilie e tut las Emilies dad ier ed oz han fatg. Malgrad che varga in tschentaner ei vargaus resta l’experientscha dad Emilie Kempin-Spyri, niaza dall’autura da Heidi, in simbol impurtont per in cumbat ch’ei aunc adina actuals. L’historia dad Emilie animescha da far patratgs sur dalla rolla dallas dunnas ella societad e sur dils success contonschi ella politica ed ella lavur, mo lu era sur da lur difficultads da legitimar lur aspiraziuns ella veta privata.
Il toc muossa era la dimensiun emoziunala d’ina via savens carpusa per anflar igl agen plaz ella societad. In aspect che astga buca muncar ella debatta sur dils dretgs dalla dunna. La figura dalla protagonista semischeida culla veta dallas acturas e scuviera las fassettas da si’olma.
Supergiù Teatro ei in collectiv fundau dalla regissura Sara Flaadt che ha la finamira da dar ina vusch als caracters ed als temas, e quei tras fuormas d’expressiuns artisticas variadas. Il proxim project en ellaboraziun tracta il tema da cumponistAs e musicistAs setrai/-adas en Svizra Taliana, mo savens ignorai/-adas dalla publicitad. Il collectiv lavura en tuts quater lungatgs naziunals e sepresenta en l’entira Svizra.
Sara Flaadt
Vanda Beffa, Angela Collenberg, Sabine Fehr, Jasmin Mattei
David Flepp
Lara Persia
Simone Arberi
Andrea Verdaglia
Heidi Beffa-Derungs
SuperGiù Teatro
1h15
Cun sustegn da:
la fermata – cultura falera, Chantun Grischun/Promoziun da la cultura, Banca Chantunala Grischuna, Vischnaunca Laax, Lia Rumantscha, Banca Raiffeisen Cadi, Surselva Romontscha, Fundaziun Anton Cadonau pil romontsch en Surselva, Giuventetgna Rumantscha, Repower
Plaz da seser numerau: frs. 25.–
Prevendita naven da fin schaner 2021
